Safonau ymddwyn

Bydd gan eich cyngor ei gôd ymddwyn ei hun. At hynny, diffiniodd Pwyllgor dros Safonau Bywyd Cyhoeddus (Pwyllgor Nolan) saith egwyddor bywyd cyhoeddus yn feini prawf ichi:

1. Agwedd anhunanol
   Dim ond er lles y cyhoedd y dylai'r rhai sydd mewn swyddi cyhoeddus weithredu. Ddylen nhw ddim gweithredu er lles ariannol neu fanteision eraill iddyn nhw eu hunain, eu teuluoedd na'u cyfeillion.
2. Uniondeb
   Ddylai'r rhai sy mewn swyddi cyhoeddus ddim derbyn arian nac unrhyw beth arall oddi wrth unigolion neu gyrff allanol a allai geisio dylanwadu arnyn nhw wrth gyflawni eu dyletswyddau swyddogol.
3. Gwrthrychedd
   Wrth gyflawni gwaith swyddogol, gan gynnwys penodi pobl i gyrff cyhoeddus, rhoi cytundebau neu argymell y dylai unigolion gael gwobrau neu fanteision, dylai'r rhai sy mewn swyddi cyhoeddus ddewis yn ôl rhinweddau'r achos.
4. Atebolrwydd
   Mae'r rhai sy mewn swyddi cyhoeddus yn atebol i'r cyhoedd am yr hyn maen nhw'n ei bennu ac yn ei wneud, a dylen nhw dderbyn y math o archwilio sy'n briodol i'w swyddi.
5. Agwedd agored
   Dyla pobl mewn swyddi cyhoeddus fod mor agored ag y bo modd ynglŷn â’r hyn maen nhw'n ei bennu ac yn ei wneud. Dylen nhw roi rhesymau dros eu penderfyniadau, a dim ond pan fo'n amlwg y byddai hynny er lles y cyhoedd y dylen nhw gadw gwybodaeth yn gyfrinachol.
6. Gonestrwydd
   Mae dyletswydd ar bobl sy mewn swyddi cyhoeddus i ddatgan unrhyw fuddiannau preifat ynglŷn â'u dyletswyddau cyhoeddus a chymryd camau i osgoi unrhyw wrthdaro er mwyn diogelu buddiannau’r cyhoedd.
7. Arweiniad
   Dylai'r rhai sy mewn swyddi cyhoeddus hyrwyddo a chynnal yr egwyddorion yma, gan arwain trwy esiampl.

Yn ôl i’r brig