Cydweithio â Chynghorau Tref a Bro

Mae dros 730 o gynghorau tref a bro yng Nghymru ac mae gyda nhw dros 8,000 o gynghorwyr. Nid ym mhob rhan o Gymru mae cynghorau o'r fath gan fod gweithdrefn i'w sefydlu neu eu diddymu yn ôl dymuniad y trigolion. Maen nhw'n cael pennu archebiant neu gyfradd y bydd y cyngor yn eu casglu ynghyd â'i dreth. Mae lefel y gwasanaethau mae'r cynghorau hynny'n eu rhoi yn amrywio ledled Cymru ac er bod rhai'n fodlon cadw at gynrychioli yn bennaf, mae llawer yn rhoi amryw wasanaethau megis cynnal a chadw neuaddau, llochesi bysiau, mannau cyhoeddus a meysydd chwarae ar ran y gymuned. Mewn rhai rhannau o Gymru ceir llawer o gynghorwyr sy’n gynghorwyr tref neu fro yn ogystal â bod yn gynghorwyr tros eu hardaloedd. Mae'n bwysig i aelodau'r cynghorau unedol a'r cynghorau tref a bro gydweithio i gynrychioli eu cymunedau ac, yn yr un modd, mae'r cynghorau tref a bro yn cael eu hannog i gydweithio'n agos â'i gilydd, cwrdd yn rheolaidd a sefydlu protocolau ar gyfer cyfathrebu ac ymgynghori.

Yn ôl i’r brig