Cydweithio ag Undeb Ewrop

Mae dylanwad Undeb Ewrop ar bob un o weithgareddau byd llywodraeth leol yn cynyddu ac mae swyddogaeth bwysig i'r cynghorau ynglŷn â gofalu bod yr undeb o les i ddinasyddion Cymru. Mae nifer o resymau pam mae Undeb Ewrop a byd llywodraeth leol yn bwysig i'w gilydd – dyma rai ohonyn nhw:

• Mae modd i’r cynghorau wella ansawdd mentrau Undeb Ewrop trwy gynnig ffyrdd o'u gwneud yn fwy ymarferol.
• Mae arian Undeb Ewrop – boed trwy'r Cronfeydd Strwythurol neu raglenni eraill – ymhlith adnoddau pwysicaf llawer o’r cynghorau.
• Mae rhyw 70% o ddeddfau'r DG sy'n berthnasol i'r cynghorau yn tarddu o Undeb Ewrop.
• Mae digon i'r cynghorau ei ennill trwy gyfnewid arferion da gyda chyrff cyfatebol yng ngwledydd eraill Ewrop.

Yn ôl i’r brig