Rheoleiddio Allanol

Mae pob cyngor yn cadw trefn ar ei weithgareddau trwy ei drefniadau llywodraethu ei hun mewn materion megis adroddiadau mewnol, adnoddau a'r hyn mae'n ei gyflawni. Bydd swyddogion penodol megis swyddog Adran 151 (materion ariannol), swyddog monitro (cadw at y gyfraith) a'r prif archwiliwr mewnol yn ymwneud â rhai o'r gorchwylion hynny.

Mae cyrff allanol hefyd yn rheoleiddio'r modd mae'r cynghorau'n cydymffurfio ac yn gweithio ar ran Llywodraeth y Cynulliad. Swyddfa Archwilio Cymru sy'n asesu llywodraethu corfforaethol, yn arolygu’r gwasanaethau, yn cynnal astudiaethau gwladol ac yn rhoi gwasanaethau archwilio allanol i'r cynghorau ochr yn ochr â chyrff preifat. Ymhlith cyrff rheoleiddio eraill o'r fath mae Arolygiaeth Safonau Gofal Cymru (gofal, addysg y blynyddoedd cynnar a'r gwasanaethau cymdeithasol), Estyn (addysg) ac Arolygiaeth y Budd-daliadau (gwasanaethau budd-daliadau).

Yn ôl i’r brig